Stemma - Landssamtök kvæðamanna

Stemma - Landssamtök kvæðamanna voru stofnuð á Siglufirði 3. mars 2013.

Helgina 2. og 3. mars sl. komu saman á Siglufirði fulltrúar frá ýmsum kveðskaparfélögum víðsvegar um landið og stofnuðu landssamtök kvæðamanna. Með stofnun þessara landssamtaka munu kvæðamenn sameinast um að efla kveðskaparlist og koma í veg fyrir að þessi menningararfur okkar falli í gleymsku og dá.

Helstu markmið með stofnun samtakanna eru að

1. standa fyrir árlegu landsmóti kvæðamanna. Aðildarfélög skiptast á um að halda landsmótið
2. leita eftir sambandi við áhugamenn um kvæðaskap og aðstoða þá við stofnun og starfsemi kvæðamannafélags
3. halda úti heimasíðu með upplýsingum um aðildarfélögin, s.s. tengiliði, starf og viðburði
4. taka saman fræðslu- og kynningarefni um kveðskaparlistina og gera aðgengilegt fyrir félagsmenn
5. bjóða fræðslustofnunum á öllum skólastigum upp á að fá kvæðamenn í heimsókn til að kynna kveðskap fyrir kennurum og nemendum og bjóða einnig ferðaþjónustuaðilum upp á sama fyrir hópa innlendra og erlendra ferðamanna
6. taka þátt í alþjóðlegu/norrænu samstarfi þjóðtónlistarfólks og gera kvæðamönnum kleift að taka þátt í erlendum þjóðtónlistarhátíðum

Stofnaðildarfélög eru:

1. Kvæðamannafélagið Árgali
2. Kvæðamannafélagið Gefjun
3. Kvæðamannafélagið Iðunn
4. Kvæðamannafélagið Ríma                                                  
5. Kvæðamannafélagið Vatnsnesingur
6. Félag ljóðaunnenda á Austurlandi

Núverandi stjórn Stemmu skipa:

Formaður:           Guðrún Ingimundardóttir (Ríma)
Varaformaður:     Bára Grímsdóttir (Iðunn)

Stjórnarmenn:
Kristín Sigtryggsdóttir (Gefjun)
Magnús Stefánsson (Félag ljóðaunnenda á Austurlandi)
Hilma Eiðsdóttir (Gná)

Varamenn:
Svanfríður Halldórsdótir (Ríma)
Rósa María Stefánsdóttir (Gefjuni)
Ragnar Ingi Aðalsteinsson (Iðunn)

Heimili og varnarþing Stemmu er þar sem formaður býr hverju sinni og því er það nú á Siglufirði. Þar bjó og starfaði sr. Bjarni Þorsteinsson sem öðrum fremur barðist fyrir því að bjarga þjóðtónlist okkar Íslendinga frá glötun.