Þjóðdansar Finnlands og Noregs með Tuomas & Outi og Anna & Mathilde

Hvenær: Föstudaginn 22. ágúst kl. 14:30 - 16:30
Hvar: Háskólanum á Akureyri

Anna Gjendem

Anna og Mathilde munu aðallega kenna tvo dansa frá vestur noregi: Springar frá Tafjord og Pariser frá Sunnmøre. Þessi dansar hafa báðir léttleika þeirra dansa sem einkenna þetta landssvæði.

Tuomas og Outi munu kennar dansa frá Karelia héraðinu í Finnlandi. Áður fyrr var Karelia (Karjala á finnsku) hérað í Finnlandi, en nú tilheyrir hluti þess Rússlandi. Þessir dansar eru mjög taktfastir með allskonar stompi, áherslum og snúningi. Dansarnir eru paradansar með sóló köflum.

Anna Gjendem er framkvæmdastjóri tónlistarsafnsins í “Møre og Romsdal” en starfar einnig sem þjóðdansari. Hún hefur mikla þekkingu á þjóðdönsum Noregs og kennir fólki á öllum aldri dans og tónlist. Anna er með meistaragráðu í Hefðbundnum listum (Traditional art) frá Háskólanum í Þelamörk(2014).

MathildeMathilde Øverland er verkefnastjóri “Bygda Dansar” í Akershus, en það er verkefni sem miðar að því að kenna íbúum fylkja og bæja gleymda dansa frá þeirra svæði. Mathilde er reynslumikill kennari sem ásamt Inga Myhr og Nina Fjeldeter, er að þróa kennslukerfi í dansi, "FODALI",  til að kenna ólíkar danstegundir.

TuomasTuomas Mikkola: Tuomas er stjórnandi ungliða dansflokksins Tahdittomat sem er í fremstu röð þjóðdansahópa Finnlands og ferðast bæði innanlands og utan með danssýningar og námskeið. Árið 2013 lauk Tuomas bakkalársgráðu í nútímadansi frá Listaháskólanum í Helsinki og er nú í meistaranámi við Helsinki Háskóla. Tuomas er margverðlaunaður danshöfundur og einn stofnenda VäkeväKollektiivi.

OutiOuti Markkula: Outi fór ung í dansskóla og lauk námi sem atvinnudansari árið 2011 frá þjóðdansadeildinni við Tampere Conservatoríið. Outi hefur einnig lagt stund á nútímadans við Amsterdamse Hogelschool voor de Kunsten í Hollandi og lært leikhúsfræði við Helsinki Háskóla. Outi er atvinnudansari.