Þjóðlagafiðla 1 (grunnpróf) með Elin (sv) og Johanna (ei)

Hvenær: Fimmtudaginn 21. ágúst kl. 14:30 - 16:30
Hvar: Háskólanum á Akureyri

Hæfniskröfur: Nemendur þurfa helst að hafa lokið Grunnprófi í fiðluleik.

Elin Jonsson frá Svíþjóð og Johanna-Adele Jüssi frá Eistlandi munu kenna þjóðlög frá sínum heimalöndum, Svíþjóð og Eistlandi. Þær munu fjalla um stíl og tækni við að spila á þjóðlagafiðlu en leggja áherslu á danssveiflu og takt laganna þar eð þau hafa skýra tengingu við dans. 

Elin JonssonElin Jonsson er ungur fiðluleikari þekktur fyrir skýran og jafnframt glaðlegan fiðlustíl. Á bernskuheimili hennar var þjóðlagatónlist í hávegum höfð heimili og hefur Elin leikið á fiðlu frá barnæsku. Þótt lög úr heimahéraði Elínar standi henni næst, þá er hún mjög fjölhæfur listamaður og hefur gaman af að spila þjóðtónlist allra norðurlanda og kanna nýjar leiðir til túlkunar. Á undanförnum árum hefur Elin unnið til fjölda verðlauna í Svíþjóð fyrir leik sinn. Hún spilar í tríóinu Rim og er eftirsóttur sólisti.

Johanna-Adele JüssiJohanna-Adele Jüssi er þjóðlagafiðluleikari, fræðimaður og kennari. Hún er með bakkalársgráðu í þjóðlagatónlist frá Tartu Háskóla og meistaragráðu frá Norræna þjóðtónlistarháskólanum en það er samstarf fjögurra háskóla á Norðurlöndum (Sibelius Academy, The Academy of Music and Dramatic Arts Southern Denmark, Ole Bull Academy í Noregi og Royal College of Music í Stokkhólmi). Hún kennir í Tallinn tónlistar og dans akademíunni og hefur haldið námskeið í Eistlandi og Evrópu. Hún spilar í nokkrum hljóðfærahópum. m.a. í Duo Jansen/Jüssi. Árið 2012 kom út fyrsta sólóplata Jóhönnu "Kiilid" og fyrr á þessu ári kom út platan "Mängleik" með Duo Jansen/Jüssi.