Tónleikadagskrá

Ekki láta þessa einstöku tónlistar- og dansveislu framhjá þér fara! 


4 tónleikastaðir, 4 kvöld, fleiri en 40 viðburðir


Erfðir til framtíðar (Tradition for Tomorrow) verður sannkölluð veisla þar sem saman koma flottustu þjóðtónlistarmenn og þjóðdansarar frá öllum Norðurlöndum; frá Finnlandi til Íslands - frá norður Noregir og suður til Danmerkur, frá Írlandi og Skotlandi.

Listamannaflóra sem þessi hefur aldrei áður komið saman á einum stað á sama tíma á Íslandi eða utan.

Hér fyrir neðan sérðu hver er að spila hvar og hvenær ásamt stuttri umfjöllun um hvern viðburð. Einnig eru hlekkir á nánari upplýsingar þar sem nálgast má myndbönd og hljóðupptökur með listamönnunum.

Vakin er athygli á takmörkuðu sætarými tónleikastaðanna, en þegar orðið er fullt á einum tónleikastað er alltaf laust pláss á öðrum.

Hátíðarhaldarar gætu þurft að breyta dagskránni eitthvað, þannig að best er að athuga oft hvort nokkuð er búið að flytja uppáhalds tónlistarmanninn þinn. Breytingar verða þó ekki gerðar nema rík ástæða sé til þess.

     

Miðvikudagur 20. ágúst- Galatónleikar í Hofi

Hvenær: 20:30 - 22:30 (For-sýning byrjar kl. 19:45) 

Illugi Gunnarsson, ráðherra mennta- og menningarmála mun setja hátíðina 


Vefarinn
 (ís)

Dansfélagið Vefarinn frá Akureyri var stofnaður árið 2004 í þeim tilgangi að kanna og viðhalda þekkingu á íslenskum danshefðum og þjóðbúningum. Þau halda hefðinni á lífi og miða að því að vekja áhuga almennings á íslenskum þjóðdönsum með því að kenna þá og sýna.

Sláið Ring (fo)

sýnir og sannar að færeyskir þjóðdansar lifa enn góðu lífi og eru mikilvægur þáttur í menningararfi Færeyinga.

Linda Gytri (no)

Linda Gytri mun spila á barkarlúður sem er bundinn saman með birkistrengjum. Magnar Storbekken smíðaði hljóðfærið. Linda lærði að spila á trompet í barnæsku og ólst hún upp á sveitabæ með geitur sem húsdýr. Samkvæmt gamalli hefð var barkarlúður notaður til að kalla geiturnar heim. 

Moberg & Lie (sv/no)

Pär Moberg frá Svíðþjóð (saxófón) og Jo Asgeir Lie frá Noregi (harmonikka) eru báðir meðlimir í nokkrum öðrum hljómsveitum, þeir spila blöndu af þjóðlegri tónlist og eigin lögum.

The Danes are Coming! (dk)

Þessi hljómsveit var sérstaklega stofnuð fyrir Tradition for Tomorrow. Allir fjórir hljóðfæraleikararnir, fiðluleikararnir Poul Bjerager Christiansen, Henrik Jansberg og Kristine Heebøll og harmoníkuleikarinn Peter Eget Hansen leika með ýmsum dönskum þjóðlagahljómsveitum.

Torgeir Vassvik (sami)

Saminn Torgeir Vassvik er magnaður joikari og yfirtóna-söngvari. Hann leikur á ýmist hljóðfæri, s.s. munngígju og hefðbundna Sama trommu frá heimaslóðum sínum í Norður-Noregi. 

Steindór Andersen & Þór Sigurðsson (is)

Tveir magnaðir kvæðamenn Steindór Andersen og Þór Sigurðsson leyfa áheyrendum að heyra brot af því allra besta sem kveðskaparlistin hefur upp á að bjóða. Ekki missa af þessu einstaka tækifæri!

Suunta (fi)

Þrír tónlistarmenn og könnuðir heimstónlistar frá Finnlandi: Anna-Kaisa Liedes, syngur og spilar á Kantele; Timo Väänänen spilar á kantele (elektrónískt); og Kristiina Ilmonen sem syngur og spilar á þjóðleg blásturshljóðfæri og ýmis ásláttarhljóðfæri.

Rauno Nieminen (fi)

Finnskur tónlistarmaður sem spilar á margskyns hljóðfæri, smíðar þau og rannsakar. Helstu hljóðfæri hans eru jouhikko og kantele. Rauno hefur átt mikinn þátt í því að endurvekja jouhikko hefðina. Hann spilar á yfirtónaflautu sína á galatónleikunum.

Trommudans frá Grænlandi (gr)

Með hjálp frá Kaluk, vinafélagi Grænlands og Íslands, fáum við Anda T. Kuitse og Putso Kuitse frá Grænlandi sem leyfa okkur að sjá og heyra þennan stórkostlega menningaraf Grænlendinga.

Glima & Ulf-Arne Johannessen (no)

Glima frá Noregi spilar á Harðangursfiðlu (norsk þjóðlagafiðla), víólu og selló. Ulf-Arne Johannessen er þekktur dansari frá Ål í Hallingdal, en þaðan kemur norska nafnið á hinum fræga Halling dansi.

Spælimenninir í Nólsoy (fo)

sem spila á Harmoníku, fiðlu, píanó og bassa, koma frá smábænum Nólsoy í Færeyjum. Þeir spila aðallega norræn og skosk þjóðlög, en líka eigin lagasmíðar sem eiga rætur sínar í norrænum hefðum.

Ilona Korhonen (fi)

frá Finnlandi tekur þátt í alls kyns tónlist. Hún einbeitir sér aðallega sem einsöngvari að runo-söng, sem er ævagamalt, finnst form af sagnasöngvum.

Kristín og Anna (is)

Systurnar Anna Sigtryggsdóttir og Kristín Sigtryggsdóttir eru ættaðar úr Aðaldal á Norðurlandi og eiga ljóðskáld og kvæðamenn í ættum sínum að langfeðgatali, þar sem kveðnar hafa verið rímur og kvæðalög í sagnasöngvastíl. Anna er formaður Kvæðamannafélagsins Gefjunar.

Unni Løvlid (no)

Unni hefur frábæra rödd og frumlegan hátt á að umbreyta tónlist manningararfs síns í splunkunýtt listform. „Rödd Løvlid er hrein og bein, algerlega þvingunarlaus í breytilegu hugarástandi söngvanna.“ Fiona Talkington, BBC.

Music from Västanå Teater (sv)

frá Svíþjóð hafa þróað einstæðan stíl þar sem tónlist, dans og leiklist vinna saman að túlkun og framsetningu sögunnar. Hljóðfæraleikarar á Tradition for Tomorrow verða Jonas Brandin – víóla, hurdy gurdy og flautur; Klas-Anders Haglund – fiðlur, nyckelhörpur, mandola og mandólín; Oskar Reuter – gítar, mandola og mandolín; og Niklas Bertilsson – slagverk og orgel.

Kjuregej Spælimenninir í Nólsoy
     

Fimmtudagskvöld 21. ágúst

Hvenær: 20:00 - 23:00 

Græni hatturinn:


Gillebríde MacMillan
 (sc)

- er gelískur söngvari frá Suður-Uist í Suðureyjum við Skotland. Gelíska er móðurmál hans og Gelískir söngvar og hefðir hafa verið fjölskyldunni mikilvægir.


Kjuregej (is)

Alexandra Argunova er söngvari frá Yakutiu, sem er austarlega í Síberíu. Hún hefur búið á Íslandi í nærri hálfa öld. Með henni eru tónlistarmennirnir Ásgeir Ásgeirsson gítarleikari og rokkarinn Halldór Warén. 

Unni Løvlid (no)

Unni hefur frábæra rödd og frumlegan hátt á að umbreyta tónlist manningararfs síns í splunkunýtt listform. „Rödd Løvlid er hrein og bein, algerlega þvingunarlaus í breytilegu hugarástandi söngvanna.“ Fiona Talkington, BBC.

Moberg & Lie (sv)

Pär Moberg frá Svíðþjóð (saxófón) og Jo Asgeir Lie frá Noregi (harmonikka) eru báðir meðlimir í nokkrum öðrum hljómsveitum, þeir spila blöndu af þjóðlegri tónlist og eigin lögum.



Sjallinn: 


REK: Anna & Mathilde
 (no)

Anna Gjendem and Mathilde Øverland eru dansarar frá norðvestur hluta Noregs. Þær dansa við kraftmikla tónlist leikna af Hilde Fjerdingøy á díatóniska hnappaharmóníku og Jo Einar Jansen á fiðlu.

Glima (no)

Stúlkurnar í tríóinu Glimu frá Noregi syngja og leika á Harðangursfiðlu, víólu og selló. Tríóið flytur fjölbreytilega tónlist, allt frá trúarlegum þjóðlögum og fínlegum útsetningum á öðrum söngvum, til eigin útsetninga á fjörugum danslögum.

Ulf-Arne Johannessen (no)

- er marg verðlaunaður dansari sem sýnir hinn stórskemmtilega Halling-dans sem er frá heimasvæði Ulf-Arne í Noregi, Ål í Hallingdal.

Spælimenninir í Nólsoy (fo)

sem spila á Harmonikku, fiðlu, píanó og bassa, koma frá smábænum Nólsoy í Færeyjum. Þeir spila aðallega norræn og skosk þjóðlög, en líka eigin lagasmíðar sem eiga rætur sínar í norrænum hefðum.

Suunta
     

Föstudagskvöld 22. ágúst

Hvenær: 19:30 - miðnættis

Græni hatturinn: 
 

Susanne Rosenberg (sv)

-  er meðal fremstu þjóðlagasöngvara Svía. Hún flytir vinsælan lagaflokk sinn "ReBoot/OmStart" sem samanstendur af sænskum þjóðlögum margskonar og nýlega sömdum söngvum, flutt í einni samfellu. 

Trommudans frá Grænlandi (gr)

Með hjálp frá Kaluk, vinafélagi Grænlands og Íslands, fáum við Anda T. Kuitse og Putso Kuitse frá Grænlandi sem leyfa okkur að sjá og heyra þennan stórkostlega menningaraf Grænlendinga.

Gefjun & Ríma (is)

– eru félög kvæðamanna á Akureyri og Siglufirði. Þau flytja kvæðalög sem notuð voru við flutning rímna og einnig styttri kveðskapar og lausavísna. Einnig flytja þau tvísöngva sem  eru spennandi hluti af þjóðlagaarfinum.

Suunta (fi)

Þrír tónlistarmenn og könnuðir heimstónlistar frá Finnlandi: Anna-Kaisa Liedes, syngur og spilar á Kantele; Timo Väänänen spilar á kantele (elektrónískt); og Kristiina Ilmonen sem syngur og spilar á þjóðleg blásturshljóðfæri og ýmis ásláttarhljóðfæri.

The Danes are Coming! (dk) 

Þessi hljómsveit var sérstaklega stofnuð fyrir Tradition for Tomorrow. Allir fjórir hljóðfæraleikararnir, fiðluleikararnir Poul Bjerager Christiansen, Henrik Jansberg og Kristine Heebøll og harmonikkuleikarinn Peter Eget Hansen leika með ýmsum dönskum þjóðlagahljómsveitum.



Kaffi Akureyri: 


Funi
 (is)

Bára Grímsdóttir (söngur, harpa og langspil) og Cris Foster (söngur, langspil, gítar og íslensk fiðla) flytja íslenska og enska þjóðtónlist. „Hvort um sig flytur tónlist eyjar sinnar glæsilega en vegna mikillar færni og tónlistarhæfileika þeirra verður sameiginlegur flutningur á tónlist eyjanna að heimstónlist“. Ritdómur um tónleika sem birtist í Folk Society of Greater Washington, USA. 

Gro Marie Svidal (no)

- er ein af hæfustu og vinsælustu Harðangursfiðluleikurum Noregs. Túlkun hennar á þjóðtónlist frá Vestur-Noregi hrífur áheyrendur með sér í tónlistarferð um firði og tignarlegt landslag. Eldmóður hennar og sviðsframkoma töfra alla.

Linda Gytri (no)

- rísandi stjarna á píanóharmóníku frá Noregi leikur gömul þjóðlög og eigin tónsmíðar. "Hljómurinn í tónlist hennar vekur hrifningu hvar sem hún fer um heiminn.“ Valdana Shukla, í The Tribute á Indlandi.

Duo Jansen/Jüssi (no/eist)

Frá Noregi og Eistlandi koma Jo Einar Jansen og Johanna-Adele Jüsse og leika þjóðlega fiðlutónlist frá heimalöndum sínum. Þau sökkva sér í gömul danslög og kanna línuna milli fagurra og hrjúfra hljóma. Danssveifla og léttleiki haldast í hendur.

Juuri & Juuri (fi)

Finnarnir Emilia Lajunen (5-strengja fiðla, nyckelharpa og söngur) og Eero Grundström (orgel, munnharpa og söngur) stofnuðu Juuri & Juuri (Rót og rót) 2003 til mótvægis við poppuðu þjóðlögin og leika „gömlu lögin“ með þeim krafti sem í þeim býr.  



Menningarhúsið Hof, Hamrar: 


Þórarinn Stefánsson (ís)

er píanóleikari frá Akureyri. Tónleikar hans á Erfðir til framtíðar fylgja útgáfu hans fyrsta einleiksdisks. Hann heitir Ísland og er safn tónsmíða sem byggðar eru á íslenskum þjóðlögum þar á meðal svíta með 14 mismunandi útsetningum á fimmundarsöngnum Ísland farsælda frón. Þórarinn mun einnig frumflytja píanóverk eftir Guðrúnu Ingimundardóttur sem er byggt á tveimru ólíkum kvæðalögum. Verkið heitir Útlæg æfintýri og styðst við stemminguna í ljóðinu Á Brúum eftir Huldu skáldkonu.

Björg, Elísabet & Hilmar (ís)

Björg Þórhallsdóttir sópransöngkona og hörpuleikarinn Elísabet Waage hófu samstarf sitt 2006. Árið 2008 voru þær fulltrúar Íslands á norrænu tónlistarhátíðinni á Englandi NICE. Dúóið breyttist í tríó þegar organistinn Hilmar Örn Agnarsson bættist í hópinn.

Ragga Gröndal & The Icelandic Folk Ensemble (ís)

Hin vinsæla söngkona Ragnheiður (Ragga) Gröndal hefur rannsakað íslensk þjóðlög frá 2003. Hún setti saman hópinn The Icelandic Folk Ensemble með bróður sínum Hauki klarinettuleikara og hinum nafntogaða gítarleikara Guðmundi Péturssyni. Þau gáfu út albúmið Tregagás 2009.

Ilona Korhonen Arja Kastinen BLM
     

Laugardagur 23. ágúst 


Sjallinn:


16:00
Litli prinsinn (no)

Litli prinsinn er sýning fyrir alla fjölskylduna flutt af Gro Marie Svidal sem leikur á harðangursfiðlu, Ulf-Arne Johannessen sem spilar á hnappa harmóníku, munnhörpu og dansar og Tom Karlsrud sem likur á harmóníku. Þessi sýning fellir saman norska þjóðdansa, þjóðlög og leikhús. Hver einstaklingur hefur sína tónlist og hreyfingar.

17:30
Trommudans frá Grænlandi (gr)

Með hjálp frá Kaluk, vinafélagi Íslands og Grænlands, fáum við Anda T. Kuitse og Putso Kuitse frá Grænlandi sem leyfa okkur að sjá og heyra þennan stórkostlega menningaraf Grænlendinga.



Laugardagskvöld 23. ágúst

Tími: 20:00 - 02:00

Græni hatturinn: 


Steindór Andersen & Hilmar Örn Hilmarsson
 (is)

Hinn heimsfrægi kvæðamaður Steindór Andersen mætir hér til leiks með tónskáldinu Hilmari Erni Hilmarssyni. Mjúk og falleg rödd Steindórs fellur undurvel að hljóðheimi Hilmars en þeir félagar hafa unnið saman um ára bil. Þeir gáfu nýverið út geisladiskinn Stafnbúa sem hefur veirð lofaður af gagnrýnendum.

Ontrei (fi)

Rauno Nieminen and Tomas Väänänen leiða saman hesta sína í þessu skemmtilega dúói frá Finnlandi. Þeir eru báðir frábærir hljóðfæraleikarar, Rauno býr reyndar til sín hljóðfæri sjálfur, sem hafa unun af því að skemmta sjálfum sér og öðrum. Þeir spila finnska þjóðlagatónlist á einstakan og eftirminnilegan hátt.

Rim (no/sv)

er samstarf þriggja ungra tónlistarmanna frá norðurhluta Skandinavíu. Hilde Fjerdingøj, sem leikur á díatóníska hnappanikku, og fiðluleikarinn Jo Einar Jansen koma frá Noregi og Elin Jonsson frá Svíþjóð leikur á fiðlu og lágfiðlu. Þau leika gamla danstónlist frá landamærahéruðum Noregs og Svíþjóðar á glæsilegan og jafnframt fínlegan hátt.

Global Fever Orchestra (sami/no)

frá Noregi leika þjóðlega tónlist með nútíma tækni og tilfinningu. Söngvarinn Torgeir Vassvik blandar saman hefðbundnu Sama-joiki og síberískum yfirtónasöng og leikur líka á kassagítar, skinntrommu og munngýgju. Jan Tothe Eriksen leikur á selló. Með þeim í för er Audun Strype sem stýrir hljóðheimnum.

Torrek (ís/ír)

Atli Örvarsson á hljómborð harmóníku og tölvu og systir hans Hilda Örvarsdóttir söngkona hafa sameinað krafta sína írsku tónlistarmönnunum Eoghan Neff sem leikur á fiðlu og „hökuselló“ og Flaithri Neff sem leikur á írska sekkjapípu, lága tin-flautu og vPipes. Þau bræða saman írskt og íslenskt þjóðlegt efni og flétta saman við „cinematic electronica“.


 

Kaffi Akureyri: 


Arja Kastinen
 (fi)

– er afburða snjall kanteleleikari frá Finnlandi sem hefur haldið tónleika vítt um Evrópu og víðar. Hún hefur hlotið margskonar viðurkenningu fyrir hljóðfæraleik sinn, upptökur, kennslu og rannsóknir á finnsku hörpunni. Hún hefur leikið inn á 13 hljómdiska og fjórir þeirra eru einleiksdiskar. 

When I Listen To Bingsjö (sv)

Fyrstu kynni fiðluleikarans Bridget Marsden af sænskum þjóðlögum höfðu slík áhrif  á hana að hún flutti frá Englandi til Svíþjóðar. Fyrir Bridget er Bingsjö tónlistarstefna sem varð hefur til þegar mismunandi tónlistarmenn koma saman. Hér spilar með henni sænski fiðluleikarinn Jon Holmén.

Sigurður Sigurðarson (ís)

Sigurður er afbragðs kvæðamaður og ötull áhugamaður um að efla kveðskaparlistina. Sigurður mun kveða kvæði Egils Skallagrímssonar Höfuðlausn í heild sinni, ásamt nokkrum tvísöngslögum með konu sinni Ólöfu.

Thomas & Lisa (sv)

Thomas von Wactenfeldt fiðluleikari og Lisa Eriksson Långbacka harmóníkuleikari léku fyrst saman á Gränsfors Spelmansstämma árið 2012. Þau leika einkum lög frá Hälsingland og Österbotten.

Ilona Korhonen (fi)

frá Finnlandi tekur þátt í alls kyns tónlist. Hún einbeitir sér aðallega sem einsöngvari að runo-söng, sem er ævagamalt, finnst form af sagnasöngvum.

BLM (sv)

Petter Berndalen á slagverk, Olle Lindvall á gítar og Olof Misgeld á fiðlu leika tónlist sem sveiflast á milli spuna og sænskra þjóðlaga. Með sérlega kröftugum söngvum slær BLM nýjan tón í nútíma sænskri þjóðtónlist.



Sjallinn: 


Dansarar frá VäkeväKollektive 
(fi)

Dansararnir Tuomas og Outi er félagar i VäkeväKollektive - félagsskapur sem stofnaður var árið 2012 til að vinna á sviði samtímalistar fyrir unga dansara, tónlistarmenn og sviðshönnuði. Öll hafa þau mikinn áhuga á finnskum þjóðararfi og er markmið þeirra að nálgast og styrkja þjóðararfinn með sviðslistum. 

Music from Västanå Teater (sv)

frá Svíþjóð hafa þróað einstæðan stíl þar sem tónlist, dans og leiklist vinna saman að túlkun og framsetningu sögunnar. Hljóðfæraleikarar á Tradition for Tomorrow verða Jonas Brandin – víóla, hurdy gurdy og flautur; Klas-Anders Haglund – fiðla, mandolin, mandola og nyckelharpa ; Oskar Reuter – gítar, mandola og mandolín; Niklas Bertilsson – slagverk og orgel.


Samnorrænt sveitaball ! (22:00 - 02:00)

Dansflokkurinn Vefarinn, íslenskir nikkarar með Einar Guðmundssson í fararbroddi, og norrænir hljóðfæraleikarar og dansarar leiða þennan stórdansleik. Einnig mun Dansbandið sjá um fjörið og skapa alvöru sveitaballs stemmingu. Rauð og svört armbönd gilda, en einnig verður hægt a kaupa miða við innganginn á þennan einstaka viðburð (kr. 2.000)
Koma svo!
Takið fram dansskóna og allir út á gólfið.

 Nordic Culture Point  Nordic Council of Ministers Art Council NorwaySwedish Arts Council 

  Menningarráð Eyþings   Air Iceland